«Тăван кил ăшши –атте –анне ăшши» сочинени конкурсӗ

            2017 ҫул –Ашшӗ –Амăшӗн Ҫулталăкӗ, ҫавна май  ăна халалласа Урхас Кушкăри  пӗтӗмӗшле вăтам пӗлу паракан шкулта тӗрлӗ конкурссем  иртеҫҫӗ.

            Авăн уйăхӗн 25-30 – мӗшӗнче шкулта «Тăван кил ăшши –атте –анне ăшши» сочинени конкурсӗ иртрӗ.. Ăна Чăваш Республикин вӗренÿ тата ҫамрăксен политкин министерстви хушăвӗпе килӗшÿллӗн Чăваш Республикин вӗренÿ институчӗ ирттерет. Конкурс тĕллевĕсем те пĕлтерĕшлĕ: çитĕнекен ăрăва  тăван ҫӗре –шыва, атте –аннене , тăван культурăна, унăн йăли-йĕркине туйма, хаклама вĕрентесси, чăваш чĕлхипе литературинче çитĕнÿсем тăвакан çамрăксене палăртасси, вĕсен пултарулăхне аталантарма пулăшасси.

            Конкурса шкулти  9-11-мӗш  классенчи вӗрененекенсем хутшăнчӗҫ. Шкул ачисем темăна тӗрӗс ăнланса ашшӗ-амăшӗ вӗсемшӗн ырă тӗслӗх пулса тăнине , пурнăҫăн тӗрӗс ҫулӗпе утма вӗрентншӗн тав  тунине палăртрӗҫ. Вӗренекенсем хăйсен хайлавӗсенче ашшӗ-амăшӗ чăваш халăх йăли –йӗркине тӗпе хурса воспитани памалли тӗслӗхсепе усă курни ҫинчен ҫырни те савăнтарать.

            Пуринчен те хастартарах та тăрăшуллăрах вӗренекен  10-мӗш  класри Анна Григорьева вӗренекен  пулчĕ. Маттур вӗренекене эпир саламлатпăр, вӗренÿре малалла та  пысăк ҫитӗнусем тăвасса шанатпăр.

Петрова Г.В.