Альбина Владимирова  , Урхас Кушкă  шкулӗн  вӗренекенӗ,   -  «Эпӗ пӗчӗкҫӗ  чăваш -2018» видеосăвăсен конкурсӗн  призерӗ.

         Ака уйăхӗн 26-мӗшӗнче Чăваш Республикин Наци  библиотекинче савăнăҫлă лару – тăрура  «Эпӗ пӗчӗкҫӗ  чăваш -2018» видеосăвăсен конкурсӗн    ҫӗнтерÿҫисене чысларӗҫ. Кунта чи маттур та пултаруллă чăваш ачисем пуҫтарăнни каламасăрах паллă. Тӗрлӗрен номинацисенче ҫӗнтернӗ ачасене

Чăваш чӗлхин инҫет вӗренÿ центрӗн ертÿҫи В.Яковлев,Чăваш наци конгресӗн

Президиум членӗ Г.Никифоров,Чăваш халăх сайчӗн тӗп редакторӗ Аҫтахар Плотников,Чăваш наци телекуравӗн редакторӗ Мальвина Петрова ,ача-пăча ҫыравҫи Николай Ишентей чысларӗҫ, Хисеп хучӗсемпе илӗртÿллӗ кӗнекесем парнелерӗҫ.Хисеплӗ те сумлă ҫынсем чăваш ачисемшӗн чăннипех те пысăк та усăллă конкурссем йӗркелесе ирттереҫҫӗ .Аслисем ,савăнăҫлă та ăшă кăмăллă уявра, ҫӗнтерÿҫӗ маттур чăваш ачисен сăн –питӗнче    телейлӗ  кулă ҫиҫнине  курса вӗсемпе пӗрлех савăнчӗҫ.Мӗнле савăнмăн-ха,  конкурса йӗркелекенсем  каланă тăрăх, видеосăвăсен  конкурсне хутшăнакансен йышӗ ҫав тери пысăк пулнине, вӗсен шучӗ 400  ачаран иртнине пӗлчӗҫ.

         8 –мӗш класра вӗренекен Альбина Владимирова Митта Ваҫлейӗн

« Ҫӗршывăм,сӗршывăм…» сăввине палăртуллă вуласа 3-мӗш вырăна ҫӗнсе илме пултарнă. Эпир ăна вӗренÿре, пултарулăх конкурсӗсенче малалла та ҫитӗнÿсем  тума ҫирӗп сывлăх сунатпăр. Маттур,Альбина!