"Эпĕ пĕчĕкçĕ чăваш - 2018" видеоконкурс ϛĕнтерӳϛи 

Никифорова Мария.

Нарăс уйăхĕн 15 -мĕшĕнчен пуçласа ака уйăхĕн 1-мĕшĕччен Чăваш чĕлхин инçет вĕренÿ центрĕ "Эпĕ пĕчĕкçĕ чăваш - 2018" видеоконкурс ирттерчĕ. Конкурса йĕркелес, ăна пур енлĕн пулăшса пырас ĕçе çавăн пекех Чăваш халăх сайчĕ, Чăваш наци конгресĕ, Чăваш ен наци телерадиокомпанийĕ, Чăваш наци библиотеки, Атнер Хусанкай ăсчах, Николай Ишентей сăвăç хутшăнчĕç.

Ачасен пултарулăхне 7 номинацире хакларĕϛ: «Эпӗ пӗчӗкҫӗ чӑваш: ача-пӑча сӑввисем» (шкул ҫулне ҫитменнисем валли); «Эпӗ пӗчӗкҫӗ чӑваш: ача-пӑча вӑййисем»; «Эпӗ пӗчӗкҫӗ чӑваш: ача-пӑча юррисем»; «Эпӗ пӗчӗкҫӗ чӑваш: пуҫламӑш класс сӑввисем»; «Эпӗ пӗчӗкҫӗ чӑваш: Митта Ваҫлей сӑввисем»; «Эпӗ пӗчӗкҫӗ чӑваш: Николай Ишентей сӑввисем»; «Эпӗ пӗчӗкҫӗ чӑваш: чи лайӑх видео».

Сăвă вулакансен сайтра регистрациленмелле пулчĕ, ÿкермелли хайлава суйласа илсе, вара - хăйсен заявленийĕсене электрон адреспа ярса памалла пулчĕ.

Çĕнтерÿçĕсен шучĕ хутшăнакансен йышĕнчен тата жюри членĕсен йышăнăвĕнчен килчĕ. Çавăн пекех конкурсантсен пултарулăхне тата ăсталăхне уйрăммăн та палăртма май пулчĕ.

"Эпĕ пĕчĕкçĕ чăваш; пуçламăш шкул сăввисем" номинацире  Сентĕрвãрри районĕнчи Урхас Кушкãри шкул ϛулне ϛитмен ачасен «Шãпãрлансем» ушкãна ϛӳрекен Никифорова Мария Н. Симунов, "Вăхăт ăçта?" сãвва вуласа, ӳкерекенни тата ертӳϛи Елегонова Елена Михайловна  хисеплĕ иккĕмĕш вырãна тивĕϛлĕ пулчĕϛ. Ҫĕнтерӳϛĕсене тата педагогĕсене акан 26-мĕшĕнче Шупашкарта Чăваш наци библиотекине йыхравларĕϛ. Чыслав 10 сехетре пуçлананчĕ. Пултаруллã ачасен йышĕнче Никифорова Марийãна та хисеп хучĕпе тата парнесемпе савãнтарчĕϛ. Маша хãйĕн пултаруллãхне чãваш чĕлхине юратакан, унпа мухтанакан, хисеплесе пухãннã пултаруллã чãваш ачисем, чãваш халãхĕн пултаруллã ывãлĕсемпе хĕрĕсем умĕнче кãтартса пачĕ. Машãна малашне те хãйĕн пултаруллãхне туптаса ϛирĕплетсе пыма сунас килет, ϛĕнĕ ϛитĕнӳсем пулччĕр, ϛирĕп пурнãϛ  ϛулĕпе уттãр татах та нумай ϛĕнтерӳсем пулсах пыччĕр.

Урхас-Кушкãри шкул ϛулне ϛитмен «Шãпãрлансем» аслã ушкãн ертӳϛи Елегонова Е.М.