Ака уйӑхӗн 25- мӗшӗ – чӑваш халӑхӗшӗн чи паллӑ та сумлӑ кун. Ҫак кун ҫулсеренех тӑван шкулӑмӑрта эпир Паллӑ Вӗрентекен И.Я.Яковлев ҫуралнӑ кунне палӑртатпӑр. Алӑ ҫул хушши тӑван халӑхшӑн чунне парса ӗҫленӗ чӑваш Улӑпӗ паянхи кун та пире тӗлӗнтерет. Ӑна сума суса вӗренекенсем  уяв залӗнче пухӑнса унӑн ятне, вӑл парса хӑварнӑ

« Халалне» асра тытса пурӑннине ҫирӗплетсе пачӗҫ, Аслӑ Вӗрентекен тӑван халӑхшӑн ырӑ ӗҫсем тунине  яланах асра тытнине палӑртрӗҫ.

Уява ертсе пыраканӗсем Альбина Владимировӑпа Аня Терентьева  И.Я. Яковлев тунӑ пархатарлӑ ӗҫӗсене аса илчӗҫ, 5-8 классем вара И.Я.Яковлев ҫырнӑ ӑса вӗрентекен «Лаша шырани», Йӑлӑнтарни», «Пулӑ сӗрни» хайлавӗсем тӑрӑх инсценировкӑсем ӑста  выляаса  пачӗҫ.

2019 – мӗш ҫул Театр ҫулталӑкӗ пулнине асра тытса вӗренекенсем  « Пӗчӗк театр» та йӗркелерӗҫ. 6  -8 –мӗш класри вӗренекенсем А. Галкинӑн  « Упа ҫури  утарта»,

« Анчӑк» юптарӑвӗсене ӑста выляса пачӗҫ , Уйрӑмах  куракансене 7 –мӗш класри вӗренекенсем Данил Николаев, Аня Терентьева, Вика Макарова Стихван Шавлин

« Вӗҫкӗн Ваҫҫа» шÿтлӗ сӑвви тӑрӑх  инсценировка выляса пани  килӗшрӗ.

Уява Альбина Владимирова  Г.Н. Волковӑн « Тӑван чӗлхемӗрҫӗм» калавне тӗлӗнмеле ӑста, чуна пырса тивмелле, ҫепӗҫ чӗлхепе палӑртуллӑ вуласа пани илемлетрӗ.

Г.Н. Волков чӗнсе каланине ӑша хывса Урхас Кушкӑри  чӑваш ачисем сумлӑ та ырӑ ывӑл  - хӗр пулса ÿссе ҫитӗнессе  шанас килет.

Иван Яковлевич Яковлев « Халалӗнче» вӗрентсе каланине асра тытса пуршӑн - ҫукшӑн вӑрҫса – чашкӑрса ҫÿрес марччӗ, аннӗр сӗчӗпе йышӑннӑ чӑваш чӗлхинчен ютшӑнас марччӗ!

Г.В.Петрова , чӑваш чӗлхипе литературине вӗрентекен.