Анна Терентьева     - « Театрӑн асамлӑ тӗнчи»  республикӑра ирттернӗ сочинени  конкурсӗн ҫӗнтерÿҫи.

         2019 ҫулхи авӑн уйӑхӗн 28 –мӗшӗнче Чӑваш Республикин вӗренÿ институтӗнче «Театрӑн асамлӑ тӗнчи» ятпа сочинени конкурсӗ иртрӗ. Ӑна  Театрӑн ҫулталӑкне халалласа ирттерчӗҫ. Малтан ку темӑпа ачасем  районта  авӑн уйӑхӗн 19- мӗшӗ валли сочинени  ҫырчӗҫ, муниципалитет шайӗнче  ирттернӗ конкурсра  8-9 мӗш классем хушшинче Аня Терентьева 1-мӗш вырӑна  тухма пултарчӗ, район чысне хÿтӗлеме  тивӗҫлӗ пулчӗ.

            Паллах, Шупашкар хулине вӑйлисенчен вӑйлисем пуҫтарӑнчӗҫ, пурӗ 47 ача хутшӑнчӗ. Сочинени ҫырма 2 тема сӗнчӗҫ: « Мухтав сана, чӑваш театрӗ» (8-9 классем), « Театр…Маншӑн мӗн вӑл?»  (10-11  классем). Кашни сӑмахрах театр сӑмах пур пулин те, анчах темӑсем расна.

             10-11 класри ачасем хушшинче пирӗн шкултан вӗренсе тухнӑ, халӗ Хуракасси шкулӗнче 10-мӗш класра пӗлÿ пухакан Альбина Владимирова та ҫӗнтерÿҫӗсен ушкӑнӗнче пулни пире савӑнтарать.

            Ҫӗнтерÿҫӗсене эпир саламлатпӑр, малалла та хастар та тӑрӑшуллӑ пулма сунатпӑр!