Регионсен шайӗнчи  «Реклама  тӗнчи» конкурс ҫӗнтерÿҫине саламлатпӑр!

            Юпа уйӑхӗн 24- мӗшӗнче Чӑваш Республикин Вӗренÿ институтӗнче

« Реклама тӗнчи» конкурс иртрӗ. Конкурсра 7-11 –мӗш класри вӗренекенсем хутшӑнчӗҫ. Конкурсӑн тӗлллевӗ чӑваш чӗлхине малалла аталантарассси, ӑна халӑх хушшинче сарасси, пултаруллӑ ачасене тупса палӑртасси, чӑвашла реклама ҫырма хӑнӑхтарасси пулчӗ.

            Урхас Кушкӑри вӑтам шкулӑн 8-мӗш класӗнче  вӗренекен Аня Терентьева  « Чи лайӑх коммерци реклами» номинацире хутшӑнчӗ, хӑй рекламине уҫӑмлӑн та  туллин,  туйӑмлӑ  чӗлхепе  каласа пачӗ. Аня  жюри членӗсен тата конкурса хутшӑнакансен кӑмӑлне   кайнине алӑ ҫупса йышӑнни ҫирӗплетсе пачӗ.

            Терентьева Анна  « Чи лайӑх  коммерци  реклами» номинацире   2-мӗш вырӑна йышӑнма пултарчӗ. Эпир ӑна  пысӑк ҫитӗнÿ тунӑ ятпа саламлатпӑр, пултарулӑх конкурсӗсенче малалла та хастарлӑхпа пуҫарулӑх, ӑнӑҫу сунатпӑр!

Петрова Г. В.  тӑван (чӑваш) чӗлхипе литературине вӗрентекен.