Тăван литературăна кăмăллакансем Василий Эктелĕн (1950–2005) ятне илтнех. Нарӑс уйӑхӗн 26 – мӗшӗнче ӑсчах 70 ҫулхи юбилейне паллӑ тӑватчӗ. Пултаруллă çыравçă тĕрлĕ жанра алла илнĕ: Василий Петрович  – туйăмлă сăвăç та, тарăн публицист та, хĕрÿ литература критикĕ те, ача-пăча çыравçи те, художниксем пирки чылай статья çырнă сумлă художество критикĕ те. Шкул библиотекинче ӑна халалласа выставка йӗркеленӗ. Кунта ҫыравҫӑн кӗнекисемпе паллашма май килет: «Ҫӗре тӑнлатӑп»,  «Иртнӗ кун ҫути», «Тӗлӗнтермӗшсем», «Чи хитри», «Шавкӑн», «Сӑвӑр ҫырми» тата ыттисем те.

      Чӑваш Республикин культурӑн тава тивӗҫлӗ ӗҫченӗн кун -ҫулӗпе тата унӑн  хайлавӗсемпе интересленекенсене шкул библиотекинче кӗтетпӗр.