« Чӑваш чӗлхипе литературине инҫет мелпе вӗрентессин ҫивӗч ыйтӑвӗсем» онлайн конференци

2020-мӗш ҫулхи ака уйӑхӗн 23-мӗшӗнче Чӑваш Республикин вӗренÿ институчӗ чӑваш чӗлхипе литературине вӗрентекенсем валли онлайн конференци ирттерчӗ. Конференцие хутшӑннӑ вӗрентекенсем инҫет вӗренӗвӗн ҫивӗч ыйтӑвӗсене хускатрӗҫ, хальхи тапхӑрти вӗренÿ ӗҫӗнчи мелсемпе меслетсем ҫинчен тарӑннӑн та тӗплӗн тухса калаҫрӗҫ.Кашни вӗрентекенӗн опычӗ пире ,вӗрентекенсемшӗн, кӑсӑклӑ та усӑллӑ пулчӗ. Уйрӑмах Ҫӗрпÿ районӗн Михайловка шкулӗн директорӗ В. Андреев «Вӗренÿ порталӗ» платформа урлӑ инҫет майсемпе вӗрентмелле майсем туса пани пысӑк пӗлтерӗшлӗ, эпир ,вӗрентекенсем,ӑна уншӑн тав тӑватпӑр,чӑннипех «Вӗренÿ порталӗ»пирӗн ӗҫе ҫӑмӑллатма пулӑшать.

« Чӑваш чӗлхипе литературине инҫет мелпе вӗрентессин ҫивӗч ыйтӑвӗсем» онлайн конференцие 100 ытла вӗрентекен хутшӑнчӗ,ӑна этнокультура вӗренӗвӗн кафедра ертÿҫи Анна Семеновна Егорова йӗркелесе ертсе пычӗ, инҫет вӗренӗвӗн лайӑх тата япӑх енӗсене пӗтӗмлетрӗ.

ZOOM хушӑм урлӑ йӗркеленӗ конференци пурин кӑмӑлне те кайрӗ, хальхи тапхӑрта инҫет вӗренÿ ӗҫӗнче кашни тӗрлӗрен мелпе усӑ курма тӑрӑшать,анчах «Сетевой город.Образование» система урлӑ ӗҫлесси пирӗншӗн тӗп майсенчен пӗри шутланать, мӗншӗн тесен ку системӑпа ӗҫлеме ашшӗ - амӑшӗ те, вӗренекенсем те хӑнӑхса ҫитнӗ.

Инҫет вӗренӗвӗ ачасене пӗлÿ парас ӗҫре йывӑрлӑхсем кӑларса тӑратать пулин те,Урхас Кушкӑри вӗренекенсем те , вӗрентекенсем те инҫет вӗренӗвӗн ӗҫне хӑнӑхса пыраҫҫӗ,тӗрлӗрен мелсемпе усӑ курса вӗренÿ ӗҫне тухӑҫлӑрах тума тӑрӑшаҫҫӗ.

Петрова Г. В. , чӑваш чӗлхипе литературине вӗрентекенӗ