Манăҫми ятсен ҫухалмĕ чапĕ

        Мухтвлă ентешсен Ҫулталăкне халалланă «Манăҫми ятсен ҫухалмĕ чапĕ» регионсен шайĕнчи  викторина  иртрĕ,  ăна   ЧНК вĕренӳ уйрăмĕ йĕркеленĕ. Ку  викторинăна Урхас Кушкăри 9-11 класри вĕренекенсем   хастар хутшăнчĕҫ.  Ачасем Чăваш Енре ҫуралса ӳснĕ, пурăннă паллă ентешсем ҫинчен тĕрлĕ ҫăл куҫран  кирлĕ хуравсене шыраса тупрĕҫ, тĕпчерĕҫ. Уйрăмах вĕренекенсене хамăр ентешĕмĕр А.Г.Николаев ҫинчен хуравлама ҫăмăл пулчĕ, вĕсем ун ҫинчен тĕплĕн пĕлни савăнтарчĕ. Ҫавăн пекех вĕренекенсем литературăпа, культурăпа ҫыхăннă паллă ҫынсем  ҫинчен те пĕлме тăрăшни   палăрчĕ. Чи маттуррисем  Дарья Никифорова (11 класс), Наталья Васильева (11класс), Евгений Юрусов (10 класс), Анастасия  Галкина (10 класс), Даниил Петров (10 класс) вĕренекенсем пулчĕҫ. Вĕсем викторинăри пур ыйтăва  та тĕрĕс хуравлама тăрăшнă.

        Дарья Никифоровăпа Наталья Васильева пуринчен ытла тĕплĕн те туллин хуравларĕҫ, ҫавăнпа вĕсем ĕҫне Шупашкара конкурса ярса пачĕҫ ( халлĕхе республикăра  викторинăн пĕтĕмлетĕвне тăвайман-ха). Эпир «Манăҫми ятсен ҫухалмĕ чапĕ» викторинăна хастар хутшăннă пур вĕренекене те тав тăватпăр, малалла та тăван халăхăмăрăн паттăр та пултаруллă ывăлĕ- хĕрĕ  ҫинчен  нумайрах пĕлме, хавхаланса вулама сĕнетпĕр. Вĕсем Чăваш ҫĕрĕн чапĕпе мухтавĕ!

Г.В.Петрова вĕрентекен