Тăван культурăна аталантарас , чĕлхене  упраса хăварас  ,  ăна юратма вĕрентес  тĕллевпе    ачасене  Аслă Вĕрентекенĕмĕрĕн Иван Яковлевич Яковлевăн  хайлавĕсемпе паллаштарни пысăк пĕлтерĕшлĕ.  Иван Яковлевăн ăса вĕрентекен калавĕсем чăваш ачисемшĕн  чăннипех пысăк пуянлăх. Ăс парас тĕллевпе ҫырнă хайлавсем ачасене пурнăҫ ҫинчен шухăшлама ,ĕҫе юратма, пĕр –пĕр утăм тăвиччен тарăннăн шухăшлама вĕрентеҫҫĕ.Уйрăмах ачасем «Сармантей», « Лаша шырани», «Кулачă» тата ытти калавĕсене кăмăллаҫҫĕ.

        5-7 класри вĕренекенсем Иван Яковлев калавĕсем тăрăх ӳкерчĕксен конкурсне хутшăнчĕҫ. Вĕсем  кăмăлне кайнă калавсем тăрăх тăрăшсах ӳкерчĕксем ӳкерчĕҫ, хăйсен ăсталăхне кăтартрĕҫ. Нумайăшне « Сармантей» калав килĕшт,ун тăрăх ӳкерчĕксем  турĕҫ,теприсене « Кулачă», « Лаша шырани», « Пулă тытни» хайлавсенчи  ĕҫсем  кăсăклантарчĕҫ. Калавсем кĕске те шухăшĕпе тарăн пулнине палăртрĕҫ.Чи маттуррисем Степан Андреев (6 класс), Ксения Мещерякова (5класс), Вадим Галкин (6 класс),Ульяна Юрусова (5 класс) пулчĕҫ. Эпир вĕсене конкурсра маттур та хастар пулнăшăн, пысăк ăсталăх кăтарнăшăн тав тăватпăр ,вĕренӳре яланах хастар та маттур пулма , ҫирĕп сывлăхлă пулма  сунатпăр!

Петрова Г.В.