Республика шайĕнче

 «Чăваш çĕрĕ пултаруллă çынсемпе пуян» темăпа  ҫырнӑ сочинени конкурсĕн призерĕсене саламлатпӑр!

        Чăваш Республикин вĕренӳ тата çамрăксен политики министерстви Чăваш Республикин вĕренÿ институчĕпе пĕрле республика шайĕнче «Чăваш çĕрĕ пултаруллă çынсемпе пуян» темăпа сочинени конкурсĕ ирттерчĕ.

        Чăваш Республикин Мухтавлă ентешĕсене халалланă конкурса  пĕтĕмĕшле пĕлÿ паракан вĕренÿ организацийĕсен 9-11 класĕсенче вĕренекенсем хутшăнчĕç. Ачасем сочиненисене чăвашла çырчĕç.

        Республика шайĕнче кĕретсĕр (заочно) ирттернĕ тапхăрта 20 районтан тата Шупашкарпа Çĕнĕ Шупашкар хулисенчен пурĕ 35 ĕç тупăшрĕ. Жюри членĕсем чи лайăх ĕçсен авторĕсене – 13 ачана палăртрĕç. Юпа уйăхĕн 6-мĕшĕнче Чăваш Республикин вĕренÿ институчĕ конкурсăн кĕрет тапхăрне ирттерчĕ.

Галкина Анастасия (Сĕнтĕрвăрри районĕн Урхас Кушкӑ  вăтам шкулĕ),

Ильина Аделина (Сĕнтĕрвăрри районĕн Урхас  Кушкӑ вăтам шкулĕ)

конкурс призёрĕсем  пулчĕç.

         Призёрсене пысăк çитĕнÿ тунă ятпа саламлатпăр!  Малашне те сире хавхаланса ĕçлеме вăй-хал сунатпăр.

Г.В.Петрова  вĕрентекен