Урхас Кушкӑри вӑтам шкулта Çеçпӗл Мишши çуралнӑранпа 125 çул çитнине халалласа « Çеçпӗл Мишши – кӑвар чӗреллӗ  сӑвӑçӑмӑр» темӑпа  вӗренекенсем тӗрлӗрен  ӗçсем туса ирттерчӗç. 

      Республика шайӗнче   ирттернӗ « Жизнь моя , за какими холмами…» викторинӑна вӗренекенсем  хастар хутшӑнчӗç,  паллӑ сӑвӑçӑн пурнӑçне  тарӑннӑн   пӗлекеннисем  Аделина Ильина (11 класс) Родионова Анастасия (11 класс), Тарасова Мерчен ( 9 класс), Васильева Людмила (9)  пулчӗç. Никифорова М., Кольцова Д., 7 - мӗш класра вӗренекесем , Çеçпӗл Мишши сӑввисене палӑртуллӑ вуланипе  палӑрчӗç. 5-11 класри вӗренекенсем А.Енейкин режиссер  ӳкернӗ «Тӗрӗслӗх çутаттӑр Çеçпӗлӗн ятне» документлӑ  фильма   пӑлханса та тӗлӗнсе пӑхрӗç, паллӑ сӑвӑçӑн синкер те йывӑр пурнӑçне куç умне кӑларчӗç, ӑна  сӳтсе яврӗç. Ку фильм пысӑк та  усӑллӑ фильм  пулнине ,  сӑвӑçӑн  сӑввисене  тӗрӗс ӑнланма пулӑшнине  палӑртрӗç.

Г.В. Петрова вӗрентекен